Расман: Радамел Фалькао «Мильонариос»га қайтди
Колумбиялик футболчи эркин агент сифатида собиқ жамоаси сафига қўшилди.
ФОТО: Getty Images
Колумбиялик ҳужумчи Радамел Фалькао яна «Мильонариос» клубига қайтди. Бу ҳақда Колумбия Примераси иштирокчиси бўлган клубнинг расмий сайти хабар берди.
Фалькао аввал ҳам ушбу жамоа сафида 2024 йил январидан 2025 йил июлигача тўп сурган эди. Шундан сўнг у шартномасини узайтирмай, эркин агент мақомида бўлиб турган, эндиликда эса яна оқ-кўклар сафига қайтди.
«Мильонариос» таркибида у жами 29 та ўйин ўтказиб, 11 та гол муаллифига айланган.
Шунингдек, Радамел Фалькао фаолияти давомида «Ривер Плейт», «Порту», «Атлетико», «Монако», «Манчестер Юнайтед», «Челси», «Галатасарай» ва «Райо Вальекано» клубларида ҳам тўп сурган. 2007 йилдан 2023 йилгача у Колумбия миллий терма жамоаси шарафини ҳимоя қилган.
Насрулло Каримов
Журналист