Расман: «Порту» муддатидан аввал Португалия чемпионилигини қўлга киритди

Португалия Примейрасининг 32-туридан ўрин олган «Порту» ва «Алверка» жамоалари ўртасидаги учрашув якунланди. Порту шаҳридаги «Драгау» стадионида бўлиб ўтган баҳсда «аждарлар» 1:0 ҳисобида ғалаба қозонишди.

Давид Силва бош ҳакамлик қилган ушбу учрашувдаги ягона гол 40-дақиқада Ян Беднарек томонидан киритилди.

Ушбу ғалаба «Порту»га муддатидан олдин Португалия чемпионилигини тақдим этди. Бу клуб тарихидаги 31-чемпионлик унвонидир.

«Аждарлар» 32 ўйиндан сўнг 85 очко жамғарган ҳолда турнир жадвалида пешқадамлик қилмоқдалар. Иккинчи ўринда бораётган «Бенфика» ҳисобида ҳам 32 та ўйин бор, бироқ 76 очко билан улар етакчини қувиб ўтиш имкониятидан маҳрум бўлишди. «Алверка» эса 38 очко билан турнир жадвалининг 9-поғонасида бормоқда.

Насрулло Каримов

Журналист