Расман: Пикфорд «Эвертон» билан шартномасини узайтирди
Томонлар ўртасида 2029 йилга қадар мўлжалланган янги битим тузилди.
ФОТО: Getty Images
Англия миллий жамоаси ва «Эвертон» дарвозабони Жордан Пикфорд мерсисайдликлар билан шартномасини узайтирди. Бу ҳақда клуб матбуот хизмати расман эълон қилди.
Манбага кўра, томонлар ўртасида 2029 йилга қадар мўлжалланган янги битим тузилган.
«Жуда хурсандман. Бу мен учун катта шараф. Ўзимни осмонда юргандек ҳис қиляпман. Бу менга клуб тарихида ўз изимни қолдириш, олдинга интилиш ва «Эвертон»ни янада кучлироқ жамоага айлантириш имконини беради», — деди Пикфорд.
Маълумот учун, Жордан Пикфорд «Эвертон» сафида 326 та ўйин ўтказган. Бу кўрсаткич британлик дарвозабонлар орасида клуб тарихидаги рекорд ҳисобланади.
Насрулло Каримов
Журналист