Расман: Паоло Ваноли «Фиорентина»ни тарк этди
«Фиорентина» клуби расмий сайти орқали Паоло Ваноли жамоа бош мураббийлиги лавозимидан кетганини эълон қилди.
«Мен шахсан Паоло Ваноли ва унинг бутун штабини миннатдорчилик билдираман. Улар жамоа охирги ўринда бораётган ва ҳали бирор марта ҳам ғалаба қозонмаган ўта оғир даврда келишди. Жамоани оёққа турғизиш учун уларда етарлича куч, фидойилик ва жасорат топила олди.
Улар жамоага ишонч, аҳиллик ва жипсликни қайтаришди ҳамда «Фиорентина»ни А Серия тарихи давомида ҳеч бир жамоа чиқиб кета олмаган оғир инқирозли вазиятдан олиб чиқиб кетишди. Паолога ва унинг жамоасига бўлган миннатдорчилигим, hurматим ҳамда келгуси фаолиятидаги энг эзгу тилакларим абадий қолади», — дея клуб президенти Жузеппе Комиссонинг сўзларини келтирмоқда «бинафшаранглилар» матбуот хизмати.
Якунланган мавсум якунларига кўра, «Фиорентина» А Серия турнир жадвалида 15-ўринни эгаллади.