Расман: Оскар Бобб — «Фулҳем» футболчиси
Лондоннинг «Фулҳем» клуби ўзининг расмий сайтида «Манчестер Сити» вингери Оскар Бобб билан шартнома имзоланганини эълон қилди.
Норвегия терма жамоасининг 22 ёшли иқтидори Лондон клуби билан 2031 йилнинг ёзигача мўлжалланган узоқ муддатли битимга имзо чекди. Трансфернинг молиявий тафсилотлари ошкор қилинмаган бўлса-да, нуфузли нашрлар (Sky Sports, The Guardian) ушбу келишув 27 миллион фунт эвазига амалга ошганини хабар қилмоқда.
Шунингдек, «шаҳарликлар» футболчининг кейинги сотувидан 20% улуш олиш ҳуқуқини ҳам сақлаб қолган.
Оскар Бобб янги жамоасида 14-рақамли либосда тўп суришни бошлайди. Футболчининг ўзи ушбу трансфер ҳақида шундай деди:
«Бу ерда эканлигимдан жуда хурсандман. Мураббий билан гаплашдим, у менга ўйин тизими қандайлигини тушунтириб берди. Бу мен учун осон қарор бўлди».
Жорий мавсумда Бобб «Манчестер Сити» сафида жами 15 та ўйинда (АПЛда 9 та) майдонга тушиб, битта голли узатмани амалга оширган эди.
