Расман: «Ноттингем Форест» Постекоглуни истеъфога чиқарди
60 ёшли мутахассис сентябр ойида «ўрмончилар» бошқарувига келганди.
ФОТО: Getty Images
«Ноттингем Форест» жамоа бош мураббийи Анжелос Постекоглуни истеъфога чиқарди. Бу ҳақда клуб матбуот хизмати расман эълон қилди.
Манбага кўра, раҳбариятнинг бундай қарорга келишига жамоанинг сўнгги ўйинлардаги кетма-кет салбий натижалари сабаб бўлган.
Эслатиб ўтамиз, 60 ёшли мутахассис сентябр ойида «ўрмончилар» бош мураббийи этиб тайинланганди. Постекоглу бошқарувида «Ноттингем Форест» жами 8 та ўйин ўтказиб, 6 марта мағлубиятга учради ва 2 та учрашувда дуранг натижа қайд этди.
Маълумот учун, АПЛнинг 8-туридан сўнг «Ноттингем Форест» 5 очко жамғарган ҳолда турнир жадвалида 17-ўринда бормоқда. Жамоанинг хавфли зонадан атиги 1 очко ажратиб турибди.
