Расман: «Наполи» Алиссон Сантоснинг трансфери эълон қилинди
«Наполи» клуби расмий сайти орқали «Спортинг»дан вингер Алиссон Сантоснинг трансфер ҳуқуқини тўлиқ сотиб олганини эълон қилди. Бразилиялик футболчи бундан аввал Италия клуби сафида ижара асосида тўп сурётган эди.
Сантос неаполликлар таркибига февраль ойида келиб қўшилган бўлиб, жамоа сафида 15 та ўйинда майдонга тушди ва 4 та гол уришга эришди. Transfermarkt портали маълумотларига кўра, айни пайтда вингернинг бозор қиймати 28 миллион еврога тенг. Футболчи Бразилиянинг «Витория» клуби тарбияланувчиси ҳисобланади.
Сантос «Спортинг» сафида 2025 йилнинг ёзидан буён ўйнаб келаётган эди, шунингдек, у фаолияти давомида «Лейрия» ва бошқа жамоаларда ҳам ҳаракат қилган.
Ортда қолган мавсум якунларига кўра, «Наполи» 76 очко жамғарган ҳолда А Серия турнир жадвалида иккинчи ўринни эгаллади, 87 очко тўплаган «Интер» эса чемпионликка эришди.