Расман: «Монако» Ансу Фатини тўлиқ сотиб олди

Франциянинг «Монако» клуби испаниялик ҳужумчи Ансу Фати трансферини расман якунлади. Клуб футболчини «Барселона»дан тўлиқ сотиб олганини эълон қилди.

Маълумотларга кўра, «Монако» ижара шартномасида кўзда тутилган 11 миллион евролик сотиб олиш бандини фаоллаштирган. Шунингдек, «Барселона» футболчининг кейинги трансферида маълум фоиз олиш ҳуқуқини сақлаб қолган.

23 ёшли Ансу Фати ўтган мавсум «Монако» сафида ўзини яхши томондан кўрсатиб, барча мусобақаларда 30 та учрашувда 12 та гол муаллифига айланди. Унинг муваффақиятли ўйини клуб раҳбариятини трансферни тўлиқ расмийлаштиришга ундади.

Шу тариқа, бир пайтлар «Барселона»нинг энг ёрқин истеъдодларидан бири сифатида эътироф этилган Ансу Фати фаолиятини энди расман «Монако» сафида давом эттиради.

Насрулло Каримов

Журналист