Расман: Меле «Арсенал» футболчисига айланди
Француз футболчиси янги жамоасида 30-рақамни танлади.
ФОТО: Getty images
«Лидс»нинг собиқ дарвозабони Иллан Мелье Лондоннинг «Арсенал» клуби футболчисига айланди. Бу ҳақда «канонирлар» матбуот хизмати хабар берди.
26 ёшли Мелье «Арсенал»га эркин агент сифатида ўтди. Келишув тафсилотлари ошкор қилинмаган. Француз футболчиси янги жамоасида 30-рақамни танлади.
«Мен жуда бахтиёрман. Бу мен учун ажойиб кун, чунки мен айни дамда чемпионлар сафига қўшилдим. Мен учун «Арсенал» — Англиядаги энг буюк клуб. «Арсенал»га ўтганимдан жуда хурсандман ва фахрланаман», — дея Мельенинг сўзларини келтиради клуб матбуот хизмати.
Маълумот учун, Мелье 2020 йилдан 2026 йилгача «Лидс» шарафини ҳимоя қилган. Ўтган мавсум якунлангач, у жамоани эркин агент сифатида тарк этганди.
