Расман! Мавсум охирида “Эвертон”ни уч нафар футболчи тарк этади
Футбол
Насрулло Каримов
Журналист
ФОТО: Getty Images
“Эвертон” клуби жорий мавсум яхунида уч нафар футболчиси билан хайрлашади. Бу ҳақда мерсисайдликлар матбуот хизмати хабар берди.
Манбага кўра, клубни Эшли Янг ҳамда дарвозабонлар Асмир Бегович ва Жоау Виржиниялар тарк этади. Ҳар учала футболчининг шартномаси 2025 йилнинг ёзида яхунига етади.
Маълумот учун, Эшли Янг жорий мавсум “Эвертон” сафида 34 та ўйинда майдонга тушиб, битта голга муаллифлик қилди. Жоау Виржиния 2 та ўйинда қатнашди. Асмир Бегович эса 20 та ўйинда қайдномага киритилди, бироқ майдонга тушмади.
Ҳозирда “Эвертон” Англия Премьер-лигасининг 36-туридан сўнг 42 очко жамғарган ҳолда турнир жадвалида 13-ўринда бормоқда.
