Расман: Магуайр «МЮ» билан шартномани узайтирди
Янги шартнома эса 2027 йилнинг июнигача амал қилади.
Фото: Ман Юнайтед
«Манчестер Юнайтед» Харри Магуайр билан шартнома узайтирилганини расман эълон қилди. Томонларнинг аввалги келишуви шу ёзда ўз ниҳоясига етиши керак эди. Янги шартнома эса 2027 йилнинг июнигача амал қилади.
Аввалроқ ОАВда Магуайрга АПЛнинг бошқа тўртта клуби даъвогарлик қилаётгани ҳақида хабарлар тарқалган эди. Бироқ футболчининг ўзи «МЮ»да қолишни истаган.
Жорий АПЛ мавсумида Харри Магуайр 18 та ўйинда майдонга тушди. Ушбу учрашувларда ҳимоячи ўз ҳисобига битта гол ва битта голли узатмани ёздириб қўйишга муваффақ бўлди.
Розикжон Султонмуродов
Журналист