Расман! “Ливерпул”нинг собиқ футболчиси фаолиятини якунлашини эълон қилди
“Суонси Сити” ярим ҳимоячиси Жо Аллен жорий мавсум охирида фаолиятини якунлашини эълон қилди.
“Бу қийин қарор, лекин мен бу ҳақда узоқ вақт ўйладим. Мен 35 ёшдаман, жароҳатларим ва ҳозирги спорт формам нафақага чиқиш вақти келганини кўрсатмоқда.
Ҳаммасини шу ерда бошлаб ва яна “Суонси”да фаолиятимни якунлаш алоҳида аҳамиятга эга. Мен бутун ҳаётимни шу ерда ўтказганимдан фахрланаман”, - дейди Аллен.
Маълумот учун, Жо Аллен фаолияти давомида “Суонси”дан ташқари “Рексҳем”, “Ливерпул” ва “Сток Сити” клублари шарафини ҳам ҳимоя қилган.
Шунингдек, Аллен Уэльс терма жамоаси сафида 77 та ўйин ўтказиб, 2 та гол урган ва 4 та голли узатмани амалга оширган. Клублар миқёсида эса 585 та ўйинда майдонга тушиб, 39 та гол ва 36 та голли узатмага муаллифлик қилган.
