Расман! “Ливерпул” Виржил ван Дейк билан шартномани узайтирди
ФОТО: Liverpool.com
Англиянинг “Ливерпул” клуби жамоа сардори Виржил ван Дейк билан шартномасини узайтирди. Бу ҳақда мерсисайдликлар матбуот хизмати хабар берди.
Манбага кўра, томонлар ўртасида 2027-йилнинг ёзига қадар мўлжалланган янги шартнома имзоланган. Ван Дейк яна икки мавсум “қизиллар” сафида қолади.
Эслатиб ўтамиз, голландиялик ҳимоячи 2018-йилнинг январ ойидан буён “Ливерпул” сафида ўйнаб келмоқда. Бу давр ичида у АПЛ, барча ички кубоклар, Чемпионлар Лигаси ва клублар ўртасидаги Жаҳон чемпионатида ғолиб чиққан.
Жорий мавсум 33 ёшли ҳимоячи барча турнирларда 44 та ўйин ўтказиб, 4 та гол урди ва битта голли узатмани амалга оширди. Унинг Трансфермарктдаги нархи 28 миллион еврога баҳоланмоқда.
Насрулло Каримов
Журналист
