Расман: “Ливерпуль” 18 ёшли Жильян Н’Гессанни трансфер қилди
“Ливерпуль” Франциянинг “Сент-Этьен” клуби ҳужумчиси Жильян Н’Гессан трансфери бўйича келишувга эришганини расман эълон қилди. 18 ёшли футболчи 2027-йил январида мерсисайдликлар футболчисига айланади.
Н’Гессан 2026/27-йилги мавсумнинг қолган қисмини Лига 1 вакили “Брест” сафида ижара асосида ўтказади. Британия ОАВ маълумотига кўра, “Ливерпуль” ёш ҳужумчи учун “Сент-Этьен”га қарийб 5 миллион евро тўлайди.
Франциялик футболчи “Сент-Этьен” академияси тарбияланувчиси ҳисобланади. У клубнинг асосий жамоасида 13 та учрашув ўтказиб, 1 та гол урган. Н’Гессан катта футболдаги дебютини 2025-йил январида амалга оширган.
Маълумот учун, Н’Гессан Франция U20 терма жамоаси билан 2025-йилги жаҳон чемпионатида 7 та учрашув ўтказган ва турнирни тўртинчи ўринда якунлаган. Шунингдек, у U17 Европа чемпионатида 4 та гол уриб, мусобақанинг рамзий терма жамоасидан жой олган.
