Расман: «Ливерпул» 14 ёшли украиналик футболчи билан шартнома имзолади
Украина U15 терма жамоаси яримҳимоячиси Мирослав Васковский фаолиятини «Ливерпул» тизимида давом эттиради. 14 ёшли футболчининг трансфери ҳақида расмий хабарни мерсисайдликлар матбуот хизмати эълон қилди.
«Ливерпул» футболчининг трансферини якунлади. Васковский Австриянинг «Австрия» клубидан Англияга кўчиб ўтган бўлиб, у Киевнинг «Локомотив» академиясида тарбияланган.
«Ливерпулга хуш келибсан, Мирослав!» — дея ёзилган клуб хабарида.
Украиналик истеъдод 2022 йилда «Австрия»га қўшилган, 2025 йил июл ойидан эса мерсисайдликлар академиясида тайёргарликдан ўтган. Декабр охирида «қизиллар» барча формалитетларни ҳал қилиб, расмий битимни ёпди.
Декабр ойида Васковский УЕФА ривожланиш турнирида иштирок этиш учун Украина U15 терма жамоасига чақирув олди. Жорий мавсумда у «Ливерпул»нинг U14 ва U15 жамоаларида майдонга тушади.
