Расман. Кристофер Нкунку «Челси»дан «Милан»га ўтди
Фото: Милан
Кристофер Нкунку “Челси”дан «Милан»га ўтди.
Италия клуби 27 ёшли ҳужумчи трансфери расмийлашганини маълум қилди.
Футболчи билан тузилган келишув 2030 йил 30 июнигача мўлжалланган. Нкунку “россонери” сафида 18-рақам остида тўп суришини маълум қилди.
Аввалроқ хабар берилишича, “Милан” футболчи учун 37 миллион евро тўлайди, бонуслар билан бирга сумма 42 миллион еврога етиши мумкин.
Нкунку 2023 йил июлдан бери “Челси” сафида ўйнаган. Лондон клуби уни “Лейпциг”дан 60 миллион евро эвазига харид қилган эди.
Лондон клуби сафида 62 ўйинда майдонга тушиб, 18 та гол урган ва 5 та голли узатма амалга оширган.
Розикжон Султонмуродов
Журналист