Расман: Кристиан Киву «Интер» билан шартномасини 2028 йилгача узайтирди
Миланнинг «Интер» клуби ўзининг расмий сайтида бош мураббий Кристиан Киву билан амалдаги шартнома муддати узайтирилганини эълон қилди. 45 ёшли румин мутахассисининг янги келишуви 2028 йилнинг ёзига қадар мўлжалланган. Унинг аввалги шартномаси 2027 йилгача эди.
Аввалроқ ОАВда тарқалган хабарларга кўра, Кивунинг янги шартномасида ҳамкорликни яна бир йилга — 2029 йилгача узайтириш банди ҳам кўзда тутилган. Шунингдек, румин мураббийнинг йиллик маоши энди 4 миллион еврони ташкил қилиши таъкидланган.
Кристиан Киву 2025 йилнинг июн ойида «Интер» бош мураббийи этиб тайинланган эди. Унинг қўл остида миланликлар Италия чемпионлигини ва мамлакат Кубогини қўлга киритишга муваффақ бўлишди. «Интер» бош жамоасига тайинлангунига қадар Киву «Парма» клубида ҳамда «нерадзуррилар»нинг ёшлар жамоаларида фаолият олиб борган.