Расман: Криштиану Роналдуга нисбатан интизомий иш очилди
Текширув якунлангунига қадар иш материалларини ошкор қилиш тақиқланган.
Фото: Getty Images
Португалия футбол федерациясининг (FPF) Интизом кенгаши миллий терма жамоа ҳужумчиси Криштиану Роналдуга нисбатан интизомий иш бошлади. Бунга футболчининг терма жамоа йиғинини ўзбошимчалик билан тарк этгани ҳақидаги хабарлар сабаб бўлган.
FPF интизом кенгашининг маълум қилишича, 2026 йил 9 октябрь куни Роналдунинг ҳаракатларига ҳуқуқий баҳо бериш мақсадида расмий текширув бошланган. Текширувга 7 октябрь куни маълум қилинган воқеалар асос бўлган.
«A Bola» нашри федерация баёнотига таяниб хабар беришича, футболчига нисбатан вақтинчалик интизомий чора ҳам белгиланган. Ишга шошилинч мақом берилган ва 10 октябрь куни материаллар FPFнинг Интизомий текширув қўмитасига юборилган.
Текширув якунлангунига қадар иш материалларини ошкор қилиш тақиқланган.
