Rasman: Krishtianu Ronaldoga nisbatan intizomiy ish ochildi
Portugaliya futbol federatsiyasining (FPF) Intizom kengashi milliy terma jamoa hujumchisi Krishtianu Ronaldoga nisbatan intizomiy ish boshladi. Bunga futbolchining terma jamoa yig‘inini o‘zboshimchalik bilan tark etgani haqidagi xabarlar sabab bo‘lgan.
FPF Intizom kengashining ma’lum qilishicha, 2026-yil 9-oktyabr kuni Ronalduning harakatlariga huquqiy baho berish maqsadida rasmiy tekshiruv boshlangan. Tekshiruvga 7-oktyabr kuni ma’lum qilingan voqealar asos bo‘lgan.
«A Bola» nashri federatsiya bayonotiga tayanib xabar berishicha, futbolchiga nisbatan vaqtinchalik intizomiy chora ham belgilangan. Ishga shoshilinch maqom berilgan va 10-oktyabr kuni materiallar FPFning Intizomiy tekshiruv qo‘mitasiga yuborilgan.
Tekshiruv yakunlanguniga qadar ish materiallarini oshkor qilish taqiqlangan.
