Расман: Киран Триппийер «Вулверхэмптон» футболчисига айланди
Франциянинг «Вулверхэмптон» клуби расмий сайтида англиялик ўнг қанот ҳимоячиси Киран Триппийер билан икки йиллик шартнома имзоланганини эълон қилди.
35 ёшли футболчининг клуб билан келишуви жорий йилнинг июн ойида «Ньюкасл Юнайтед» билан амалдаги шартномаси якунига етганидан сўнг кучга кирди.
Ортида қолган Англия Премьер-лигаси мавсумида ҳимоячи 21 та ўйинда майдонга тушиб, ўз ҳисобига битта голли узатмани ёздириб қўйган эди.
Киран Триппийер «Манчестер Сити» тарбияланувчиси ҳисобланади. Футболчининг фаолияти давомида «Бёрнли», «Тоттенхэм Хотспур», Мадриднинг «Атлетико», «Ньюкасл Юнайтед» ва бошқа жамоалар ҳам бор. Англия миллий терма жамоаси сафида у 54 та ўйинда майдонга тушиб, битта гол уришга эришган.
Маълумот учун, ўтган мавсум якунларига кўра «Вулверхэмптон» АПЛни тарк этиб, Чемпионшипга тушиб кетган эди.
