Расман: Кике Санчес Флорес — «Алавес» бош мураббийи
Испан клуби Эдуардо Коудет билан шартномани ўзаро келишувга кўра бекор қилди.
ФОТО: Getty Images
Испаниянинг «Алавес» клуби бош мураббий Эдуардо Коудет билан шартнома томонларнинг ўзаро келишувига кўра бекор қилинганини эълон қилди. Унинг ўрнини Кике Санчес Флорес эгаллади.
«Валенсия», «Атлетико» ва «Хетафе»даги фаолияти орқали танилган 61 ёшли мутахассис билан шартнома 2028 йилнинг июнига қадар имзоланди. Флореснинг сўнгги иш жойи «Севилья» бўлиб, у ерни 2024 йилнинг июнида тарк этган эди.
Айни дамда «Алавес» Испания Ла Лигаси турнир жадвалида 26 турдан сўнг 27 очко билан 16-ўринни эгаллаб турибди. Жамоа Эдуардо Коудет қўл остидаги сўнгги бешта ўйинда бор-йўғи икки очко жамғарди. Кейинги турда, 8 март куни «Алавес» «Валенсия»га қарши майдонга тушади.
Насрулло Каримов
Журналист