Расман: Карвахал «Хетафе» билан шартнома имзолади
Шартнома 2027 йил ёзигача амал қилади.
Фото: Getafe FC
Мадриднинг «Хетафе» клуби Даниел Карвахал билан шартнома имзоланганини расман эълон қилди. Бу ҳақда клуб матбуот хизмати хабар берди.
Манба маълумотига кўра, 34 ёшли ҳимоячи сешанба куни янги жамоаси билан меҳнат шартномасини имзолаган. Ла Лига раҳбарияти келишувни тасдиқлаган ва футболчининг эркин агент сифатида амалга оширган трансфери расман якунланган. Шартнома 2027 йил ёзигача амал қилади.
Маълумот учун, Карвахал 2013–2026 йиллар давомида «Реал» сафида тўп тепди. Бироқ ўтган мавсум якунлангач, мадридликлар билан хайрлашди.
Эслатиб ўтамиз, Испания чемпионатининг 8-туридан сўнг «Хетафе» саккиз очко билан турнир жадвалида 14-ўринни эгаллаб турибди.
