Расман. Илкай Гюндоган — «Галатасарой» футболчиси
Фото: Galatarsaray
Илкай Гюндоган фаолиятини Туркияда давом эттиради.
“Галатасарой” “Манчестер Сити” билан хайрлашган 34 ёшли ярим ҳимоячини эркин агент сифатида ўз сафига қўшиб олди.
Туркия чемпиони германиялик футболчи билан 2027 йил ёзигача мўлжалланган шартнома имзолади.
Гюндоган ўтган мавсумда Англия Премьер-лигасида 33 ўйин ўтказиб, 1 та гол урган ва 6 та голга ассистентлик қилган.
Футболчи фаолияти давомида “Боруссия Д”, “Барселона” ва “Нюрнберг” клубларида ҳам ҳаракат қилган.
Розикжон Султонмуродов
Журналист