Беш вазн тоифасида собиқ жаҳон чемпиони, 49 ёшли америкалик Флойд Мейвезер жорий йилнинг июн ойида Афинада кўргазмали бокс жангини ўтказади. Унинг рақиби кикбоксинг бўйича кўп карра жаҳон чемпиони, 45 ёшли грек Майк Замбидис бўлади.
«2026 йил мен учун ҳаяжонли йил бўлишини ваъда қилмоқда. Европа, мен сизларни хурсанд қилиш учун йўлга чиқяпман», — деб ёзди Мейвезер ўзининг ижтимоий тармоқдаги саҳифасида.
Маълумот ўрнида, Флойд Мейвезер профессионал боксда 50 та ғалаба қайд этган (шундан 27 таси муддатидан олдин) ва бирорта ҳам мағлубиятга учрамаган. У 1996 йилги Олимпиада ўйинларининг бронза медали соҳиби ҳамда тарихдаги учта беш вазн тоифаси чемпионларидан биридир.
Майк Замбидис эса 2000 йилдан 2019 йилга қадар кикбоксинг бўйича профессионал даражада фаолият юритган. Унинг ҳисобида 158 та ғалаба ва 22 та мағлубият мавжуд.
