Расман: «Эвертон» Майкл Кин билан шартномани узайтирди
Томонлар ўртасида 2027 йилгача мўлжалланган янги келишув имзоланди.
ФОТО: Getty Images
Англиянинг «Эвертон» клуби 33 ёшли марказий ҳимоячи Майкл Кин билан шартнома узайтирилганини эълон қилди. Бу ҳақда мерсисайдликлар матбуот хизмати жамоанинг расмий сайтида хабар берди.
Футболчи билан имзоланган янги келишув 2027 йилнинг ёзигача амал қилади.
Киннинг «Эвертон» билан аввалги шартномаси жорий мавсум якунланиш арафасида эди. Ҳимоячи 2017 йилнинг ёзидан буён Ливерпуль клуби шарафини ҳимоя қилиб келмоқда. Шу тариқа, 2026/2027 йилги мавсум унга Англия Премьер-лигаси жамоаси таркибидаги ўнинчи мавсумга айланади.
Маълумот учун, Майкл Кин «Манчестер Юнайтед» академияси тарбияланувчиси ҳисобланади. У «Эвертон»га «Бёрнли»дан ўтган эди. ОАВ хабарларига кўра, ўшанда трансфер суммаcи 28,5 миллион еврони ташкил этган.
Насрулло Каримов
Журналист