Расман: Эндрю Робертсон мавсум охирида «Ливерпул»ни тарк этади
«Ливерпул» ўз расмий сайти орқали 32 ёшли қонун ҳимоячиси Эндрю Робертсон мавсум якунланиши билан жамоани тарк этишини эълон қилди.
«Энфилд»даги тўққизта жуда муваффақиятли мавсумдан сўнг, Шотландия терма жамоаси сардори шу ёзда шартномаси якунланиши билан клубдан кетади. У сўнгги йиллардаги ютуқларда муҳим роль ўйнаган ва жами 373 та ўйинда майдонга тушган «Ливерпул»нинг ҳақиқий афсонаси сифатида хайрлашади.
2017 йили «Ҳалл Сити»дан кўчиб ўтган Робертсон жамоа билан бирга икки бор Премьер-лига ғолиблиги, Чемпионлар лигаси, Англия кубоги ва икки марта Лига кубогини қўлга киритди. Шунингдек, унинг ҳисобига клублар ўртасидаги жаҳон чемпионати, УЕФА Суперкубоги ва Англия Суперкубоги ғолиблиги ҳам бор.
Бироқ Робертсонни тантанали кузатиш маросими мавсум якуннигача қолдирилди. 26-рақам остида ҳаракат қилаётган футболчи айни дамда бор эътиборини «қизиллар»га 2025/2026 йилги мавсумни имкон қадар муваффақиятли якунлашда ёрдам беришга қаратган», — дейилади мерсисайдликлар баёнотида.
