Расман. Демикелис – «Лейпциг» бош мураббийи

«РБ Лейпциг» расмий сайтида Мартин Демикелисни жамоа бош мураббийи лавозимига тайинлагани ҳақида эълон қилди.

Томонлар 2028 йилнинг ёзигача амал қиладиган меҳнат шартномасини имзолашди.

Ўтган мавсум якунларига кўра «РБ Лейпциг» Бундеслига турнир жадвалида учинчи ўринни эгаллади ва Чемпионлар лигасига йўлланма олди.

Футболчилик фаолияти давомида Демикелис «Бавария» сафида тўрт марта Германия чемпиони бўлган, «Манчестер Сити» билан эса АПЛ олтин медалларини ва икки марта Лига кубогини қўлга киритган.

Унинг ҳисобида Аргентина терма жамоаси сафида 51 та ўйин ҳам бор.
Мураббий сифатида у «Бавария»нинг иккинчи жамоасида ишлаган, шунингдек, «Ривер Плейт», «Монтеррей» ва «Мальорка» клубларини бошқарган.

Розикжон Султонмуродов

Журналист

0 0 0 0 0 0