Расман: Бренден Рожерс — «Ал Қодисия» бош мураббийи
52 ёшли шимолий ирландиялик мутахассис Бренден Рожерс Саудия Арабистонининг «Ал Қодисия» клуби бош мураббийи этиб тайинланди. Бу ҳақда клуб расмий сайти хабар берди.
Рожерс билан тузилган шартнома 2,5 йилга мўлжалланган. Мураббийнинг расмий тақдимоти эртага бўлиб ўтади ва у ОАВ вакиллари билан учрашади.
Бренден Рожерс 2012–2015 йиллар оралиғида «Ливерпул» клубини бошқарган, шунингдек, «Селтик» ва «Лестер» жамоаларида ҳам фаолият юритган. «Ливерпул» билан у 2014 йилда Англия Премьер-лигаси кумуш медалларини қўлга киритган.
Фаолияти давомида Рожерс Англия Премьер-лигасида 300 дан ортиқ учрашувда мураббийлик қилган. У «Ливерпул»ни тарихий иккинчи ўринга олиб чиққан ҳамда бир мавсумда 101 та гол уриш бўйича клуб рекордини ўрнатган. Шунингдек, у 2021 йилда «Лестер» билан Англия Кубогини ютган ва «Селтик» сафида 11 та йирик совринга эга чиққан.
