Расман: «Боруссия Д» «Челси» ва «МЮ» қизиқиш билдирётган футболчи билан шартномани узайтирди
Дортмунднинг «Боруссия» клуби Германия терма жамоаси яримҳимоячиси Феликс Немеча билан шартномани узайтирди. Клуб расмий сайтининг хабар беришича, 25 ёшли футболчи билан тузилган янги битим 2030 йилнинг 30 июнига қадар амал қилади.
Аввалроқ матбуотда Немечага Англия Премьер-лигасининг бир қатор клублари, хусусан, Лондоннинг «Челси» ва «Манчестер Юнайтед» жамоалари қизиқиш билдирдиётгани ҳақида хабарлар тарқалган эди. Бироқ, дортмундликлар ўз етакчиларидан бирини таркибда олиб қолишга муваффақ бўлди.
Феликс Немеча «Боруссия» сафида 2023 йилнинг июль ойидан буён тўп тепиб келмоқда. Фаолиятининг аввалги йилларида у «Вольфсбург» клуби шарафини ҳимоя қилган, шунингдек, «Манчестер Сити» ёшлар жамоаси тарбияланувчиси ҳисобланади. Жорий мавсумда яримҳимоячи 38 та ўйинда майдонга тушиб, 5 та гол ва 3 та голли узатма муаллифига айланди.
