Расман: «Бавария» Компания билан шартномани узайтирди
Томонлар ўртасида 2029 йилгача мўлжалланган янги битим тузилди.
ФОТО: Getty Images
Мюнхеннинг «Бавария» клуби жамоа бош мураббийи Венсан Компания билан шартномани узайтирди. Бу ҳақда немислар матбуот хизмати расман эълон қилди.
Манбага кўра, томонлар ўртасида 2029 йилгача мўлжалланган янги келишув имзоланган.
«Менга мавсум бошидан буён ишонч билдирган «Бавария» клубига ўз ташаккуримни билдирмоқчиман. Бу ерда ўзимни узоқ йиллардан бери ишлаётгандек ҳис қиламан. Биз ажойиб йўлни бошлаб юбордик, энди янада кўпроқ меҳнат қилиб, янги ютуқларга эришамиз», — деди Компания.
Эслатиб ўтамиз, бельгиялик мутахассис 2024 йилдан буён «Бавария»ни бошқариб келмоқда. Унинг қўл остида жамоа 2024/2025 йилги мавсумда Бундеслига чемпионига айланган, шунингдек, жорий мавсум бошида Германия Суперкубоғини ҳам қўлга киритилган.
Насрулло Каримов
Журналист