Rasman: «Bavariya» Kompani bilan shartnomani uzaytirdi
Myunxenning «Bavariya» klubi jamoa bosh murabbiyi Vensan Kompani bilan shartnomani uzaytirdi. Bu haqda nemislar matbuot xizmati rasman eʼlon qildi.
Manbaga koʻra, tomonlar oʻrtasida 2029 yilga qadar moʻljallangan yangi kelishuv imzolangan.
«Menga mavsum boshidan buyon ishonch bildirayotgan «Bavariya» klubiga oʻz tashakkurimni bildirmoqchiman. Bu yerda oʻzimni uzoq yillardan beri ishlayotgandek his qilaman. Biz ajoyib yo‘lni boshlab yubordik, endi yanada koʻproq mehnat qilib, yangi yutuqlarga erishamiz», — dedi Kompani.
Eslatib oʻtamiz, belgiyalik mutaxassis 2024 yildan buyon «Bavariya»ni boshqarib kelmoqda. Uning qoʻl ostida jamoa 2024/2025 yilgi mavsumda Bundesliga chempioniga aylangan, shuningdek, joriy mavsum boshida Germaniya Superkubogini ham qoʻlga kiritilgan.
