Расман: «Барселона» Суперлига лойиҳасини тарк этганини эълон қилди
Ушбу турнир ташкил этилиши ҳақидаги эълон 2021 йилда эълон қилинганди.
ФОТО: Getty Images
«Барселона» клуби ўзининг расмий сайтида Европа Суперлигаси лойиҳасидан чиққанини маълум қилди.
«Барселона» футбол клуби бугун «European Super League Company» компаниясини ва унда иштирок этаётган клубларни Европа Суперлигаси лойиҳасидан расман чиққанлиги тўғрисида хабардор қилганини эълон қилади», — дейилади Каталония клуби баёнотида.
Эслатиб ўтамиз, янги Европа футбол турнири ташкил этилиши ҳақидаги эълон 2021 йилда эълон қилинган эди. «Барселона» Суперлиганинг 12 та асосчи клубларидан бири сифатида иштирок этган.
Европа футбол ассоциациялари иттифоқи (UEFA) ушбу лойиҳани кескин танқид қилиб, унда қатнашадиган барча клублар ички, Европа ва жаҳон миқёсидаги бошқа мусобақалардан четлатилиши ҳақида огоҳлантирган эди.
Насрулло Каримов
Журналист