Расман: «Аталанта» Иван Юрични истеъфога чиқарди
Муттахассис жорий йилнинг ёзида бергамоликлар бошқарувига келганди.
ФОТО: Getty Images
«Аталанта» жамоа бош мураббийи Иван Юрич билан ҳамкорликни тўхтатганини эълон қилди. Бу ҳақда клуб матбуот хизмати хабар бермоқда.
Манбага кўра, мураббий билан бирга унинг штаби аъзолари — Маттео Паро, Мигел Велозу, Паоло Барберо, Стефан Остойич ва Микел Орекко ҳам жамоани тарк этган.
Эслатиб ўтамиз, Юрич 2025 йилнинг ёзида «Аталанта» бошқарувига келганди. Бироқ жамоанинг сўнгги натижалари кўнгилдагидек бўлмади — сўнгги 8 та ўйинда бергамоликлар атиги 6 очко жамғарди.
Маълумот учун, ҳозирда «Аталанта» А Сериянинг 11-туридан сўнг 13 очко жамғарган ҳолда турнир жадвалида 13-ўринда бормоқда.
