Rasman: «Atalanta» Ivan Yurichni isteʼfoga chiqardi
Mutaxassis joriy yilning yozida bergamoliklar boshqaruviga kelgandi.
FOTO: Getty Images
«Atalanta» jamoa bosh murabbiyi Ivan Yurich bilan hamkorlikni to‘xtatganini eʼlon qildi. Bu haqda klub matbuot xizmati xabar bermoqda.
Manbaga koʻra, murabbiy bilan birga uning shtabi aʼzolari — Matteo Paro, Migel Velozu, Paolo Barbero, Stefan Ostoich va Mikel Orekko ham jamoani tark etgan.
Eslatib oʻtamiz, Yurich 2025 yilning yozida «Atalanta» boshqaruviga kelgandi. Biroq jamoaning soʻnggi natijalari koʻngildagidek boʻlmadi — soʻnggi 8 ta oʻyinda bergamoliklar atigi 6 ochko jamgʻardi.
Maʼlumot uchun, hozirda «Atalanta» A Seriyaning 11-turidan so'ng 13 ochko jamgʻargan holda turnir jadvalida 13-o‘rinda bormoqda.
