Расман: Антуан Семеньо — «Ман Сити» футболчиси
Томонлар ўртасида беш ярим йиллик шартнома имзоланди.
ФОТО: Getty Images
«Манчестер Сити» ўзининг расмий сайтида «Борнмут» вингери Антуан Семеньонинг трансфери амалга оширилганини эълон қилди. Томонлар беш ярим йиллик шартнома имзолади.
ОАВ маълумотларига кўра, трансфер қиймати 75 миллион евро (65 миллион фунт стерлинг)ни ташкил қилган. Ганалик вингер «Челси», «Тоттенхэм», «Ливерпуль» ва «Манчестер Юнайтед» каби АПЛ клубларидан тушган таклифларни рад этиб, «шаҳарликлар» сафига қўшилишни танлаган.
Ушбу трансферда футболчининг испаниялик мутахассис Хосеп Гвардиола қўл остида тўп суриш истаги ҳал қилувчи омил бўлган.
Жорий мавсумда Англия Премьер-лигасида 25 ёшли Антуан Семеньо 20 та учрашувда майдонга тушиб, 10 та гол урди ва 3 та голли узатма муаллифига айланди.
Насрулло Каримов
Журналист