Rasman: Antuan Semenyo — «Man Siti» futbolchisi
Tomonlar oʻrtasida besh yarim yillik shartnoma imzolandi.
FOTO: Getty Images
«Manchester Siti» o‘zining rasmiy saytida «Bornmut» vingeri Antuan Semenyoning transferi amalga oshirilganini e’lon qildi. Tomonlar besh yarim yillik shartnoma imzoladi.
OAV ma’lumotlariga ko‘ra, transfer qiymati 75 million yevro (65 million funt sterling)ni tashkil qilgan. Ganalik vinger «Chelsi», «Tottenhem», «Liverpul» va «Manchester Yunayted» kabi APL klublaridan tushgan takliflarni rad etib, «shaharliklar» safiga qo‘shilishni tanlagan.
Ushbu transferda futbolchining ispaniyalik mutaxassis Xosep Gvardiola qo‘l ostida to‘p surish istagi hal qiluvchi omil bo‘lgan.
Joriy mavsumda Angliya Premer-ligasida 25 yoshli Antuan Semenyo 20 ta uchrashuvda maydonga tushib, 10 ta gol urdi va 3 ta golli uzatma muallifiga aylandi.
Nasrullo Karimov
Jurnalist