Расман: Андони Ираола «Ливерпуль» бош мураббийи этиб тайинланди
Томонлар ўртасида 2 йилга мўлжалланган шартнома имзоланди.
Футбол
Насрулло Каримов
Журналист
ФОТО: Getty Images
«Ливерпуль» ўзининг расмий сайтида жамоа бош мураббийлигига Андони Ираола тайинланганини эълон қилди.
Аввалроқ, испаниялик мутахассис мерсисайдликлар билан икки йиллик шартнома имзолаши ҳақида хабарлар тарқалган эди. Эслатиб ўтамиз, 30 май куни «Ливерпуль» жамоа бош мураббийи Арне Слотнинг кетишини эълон қилганди.
43 ёшли мутахассиснинг охирги жамоаси «Борнмут» бўлди ва у якунланган мавсум охирида клубни тарк этди. Ираола бошқарувида «гиласранглилар» 57 очко жамғариб, Англия чемпионати турнир жадвалида олтинчи ўринни эгаллади.
«Ливерпуль» эса 60 очко билан бешинчи поғонадан жой олди. Испаниялик мураббий «Борнмут» жамоасини 2023 йилнинг ёзидан буён бошқариб келаётган эди.