Расман: Алекс Фернандес — «Навбаҳор» футболчиси
Калининграднинг «Балтика» клуби ўзининг Telegram-каналида ҳужумчи Алекс Фернандес Ўзбекистоннинг «Навбаҳор» жамоасига ижара асосида ўтганини эълон қилди.
«Балтика» ва «Навбаҳор» футбол клублари ўртасида ҳужумчи Алекс Фернандеснинг 2026 йил якунига қадар ижара асосида ўтиши бўйича келишувга эришилди!
Алекс 2024 йилнинг февралида «Балтика» аъзосига айланган эди. Бразилиялик ҳужумчи клуб сафида жами 36 та ўйинда майдонга тушиб, 11 та гол ва 3 та самарали узатмага муаллифлик қилди. 2025 йилги мавсумни у Озарбайжоннинг «Нефтчи» жамоасида ижара асосида ўтказди ва Боку клуби сафида 13 та ўйинда 1 та гол ҳамда 1 та ассист қайд этди.
Алексга келгуси Ўзбекистон Суперлигаси баҳсларида наманганликлар сафида самарали ўйинлар тилаб қоламиз!» — дейилади Россия клуби хабарида.
