Расман. «Ал-Иттиҳод» Консейсауни истеъфога чиқарди
Унинг бошқарувида "Ал-Иттиҳод" Саудия Арабистони чемпионатида бешинчи ўринни эгаллади.
ФОТО: Getty images
"Ал-Иттиҳод" бош мураббий Сержиу Консейсау билан хайрлашганини расман эълон қилди.
51 ёшли португалиялик мутахассис жамоа билан 2025 йилнинг октябридан бери ишлаб келаётган эди. Унинг бошқарувида "Ал-Иттиҳод" Саудия Арабистони чемпионатида бешинчи ўринни эгаллади, Қирол Кубоги ярим финалигача етди, шунингдек, Осиё Чемпионлар Лигаси чорак финалига чиқди.
Клубда таъкидланишича, ҳамкорликни тўхтатиш тўғрисидаги қарор жамоанинг ўйинларини батафсил таҳлил қилиш ва эришилган натижаларни баҳолашдан сўнг қабул қилинган. Раҳбарият бу қадамни клуб олдига ривожланишнинг кейинги босқичида қўйилган мақсад ва вазифаларни амалга ошириш учун зарур, деб ҳисоблайди.
Розикжон Султонмуродов
Журналист