Расман. «Айнтрахт» Риерани истеъфога чиқарди
Франкфуртнинг «Айнтрахт» клуби Альберт Риерани бош мураббий лавозимидан озод этилганини расман эълон қилди. Испаниялик мутахассис билан бирга унинг ассистентлари ҳам жамоани тарк этди.
«Келгуси фаолиятида, ҳам шахсий, ҳам касбий ҳаётида омад тилаймиз!» — дейилади клуб матбуот хизмати баёнотида.
Альберт Риера «Айнтрахт»ни 2026 йил январь ойида қабул қилиб олган эди. Ҳозирги вақтда Франкфурт-на-Майн жамоаси Германия чемпионати турнир жадвалида 32 турдан сўнг 43 очко билан 8-ўринда бормоқда. Клуб еврокубоклар йўлланмаси берувчи ўринлардан 15 очкога ортда қолмоқда.
Аввалроқ Риера Словениянинг «Целе» клубида фаолият юритиб, жамоани Конференциялар лигаси плей-офф босқичига олиб чиққан. Шунингдек, мураббийга Москванинг «Спартак» клуби ҳам қизиқиш билдирган, аммо ўшанда жамоа бошқаруви Хуан Карлос Карседога топширилган эди.
