Рамуш: «Ҳамма нарсага тайёр эканимизни кўрсатдик»
"ПСЖ" тарихда кетма-кет икки мавсум Чемпионлар лигасида ғолиб чиққан иккинчи клубга айланди.
ФОТО: Getty images
"ПСЖ" ҳужумчиси Гонсалу Рамуш УЕФА Чемпионлар лигаси финалидаги жамоасининг ғалабаси ҳақида фикр билдирди. Ҳал қилувчи ўйинда парижликлар Лондоннинг "Арсенал"ини мағлуб этишди (1:1, пен. 4:3). Ўйин Будапештдаги "Пушкаш Арена" стадионида бўлиб ўтди.
"Жуда қийин бўлди. Биз иродали жамоамиз ва ҳамма нарсага тайёр эканимизни кўрсатдик. Мен ҳужумчи ман ва ҳар доим пенальти тепишга тайёрман, гарчи бу энг биринчи зарба бўлса ҳам. Мен ана шундай муҳим дақиқаларда майдонда бўлишни хоҳлардим", — дея Рамушнинг сўзларидан иқтибос келтиради УЕФА расмий сайти.
"ПСЖ" тарихда кетма-кет икки мавсум Чемпионлар лигасида ғолиб чиққан иккинчи клубга айланди.
Розикжон Султонмуродов
Журналист