Рамос «Милан»га ўтиши мумкин
Футболчининг вакиллари ҳимоячининг хизматларини “Милан”га таклиф қилган.
ФОТО: Getty images
Мексиканинг “Монтеррей” клубида тўп сураётган испаниялик ҳимоячи Серхио Рамос фаолиятини А Серияда давом эттириши мумкин. Бу ҳақда Football Italia нашри хабар берди.
Манбада ёзилишича, футболчи 2025 йил охирида Мексика клубини тарк этади, бироқ Рамос ҳозирча фаолиятини якунлаш ниятида эмас. Унинг асосий мақсади — 2026-йилги Жаҳон чемпионатида қатнашиш.
Футболчининг вакиллари ҳимоячининг хизматларини “Милан”га таклиф қилган.
39 ёшли футболчи жорий йилнинг февраль ойидан бери Мексиканинг “Монтеррей” клубида тўп сурмоқда. У шу вақтгача 30 та учрашувда иштирок этиб, 7 та голга муаллифлик қилган. Transfermarkt портали Рамоснинг қийматини 1 миллион еврога баҳоламоқда.
Розикжон Султонмуродов
Журналист