Ramos «Milan»ga o'tishi mumkin
Futbolchining vakillari himoyachining xizmatlarini “Milan”ga taklif qilgan.
ФОТО: Getty images
Meksikaning “Monterrey” klubida to'p surayotgan ispaniyalik himoyachi Serxio Ramos faoliyatini A Seriyada davom ettirishi mumkin. Bu haqda Football Italia nashri xabar berdi.
Manbada yozilishicha, futbolchi 2025 yil oxirida Meksika klubini tark etadi, biroq Ramos hozircha faoliyatini yakunlash niyatida emas. Uning asosiy maqsadi — 2026-yilgi Jahon chempionatida qatnashish.
Futbolchining vakillari himoyachining xizmatlarini “Milan”ga taklif qilgan.
39 yoshli futbolchi joriy yilning fevral oyidan beri Meksikaning “Monterrey” klubida to'p surmoqda. U shu vaqtgacha 30 ta uchrashuvda ishtirok etib, 7 ta gol muallifligiga erishgan. Transfermarkt portali Ramosning qiymatini 1 million yevroga baholamoqda.
Roziqjon Sultonmurodov
Jurnalist