Рахим Стерлинг ҳибсга олинди
«Манчестер Сити» ва «Челси» клубларининг собиқ ҳужумчиси Рахим Стерлинг автомобилни наркотик модда таъсирида бошқарганликда гумонланиб, ҳуқуқ-тартибот идоралари томонидан ҳибсга олинди. Англиянинг тўрт карра чемпионига тегишли машина ичида тақиқланган моддалар топилган. Футболчининг ўзи эса тиббий кўрикдан ўтишни рад этган. Бу ҳақда шов-шувли The Sun нашри хабар тарқатди.
Манбанинг билдиришича, воқеа Стерлинг ўзининг Lamborghini автомобилида аварияга учраганидан сўнг содир бўлган. Ҳодисада бошқа транспорт воситалари иштирок этмаган, жабрлангандар йўқ. Таъкидланишича, айни дамда Голландиянинг «Фейеноорд» клуби шарафини ҳимоя қилаётган ҳужумчи суриштирув ишлари якунлангунига қадар гаров эвазига қўйиб юборилган.
Стерлингга яқин бўлган манбалар футболчининг ҳаётида ҳозирда жиддий «муаммолар» ва қийинчиликлар борлигини қайд этмоқда.
Эслатиб ўтамиз, 2026 йилнинг январ ойида «Челси» клуби футболчи билан ҳамкорликни тўхтатган эди. Феврал ойида эса у «Фейеноорд» билан шартнома имзолади. Нидерландия чемпионатида у 8 та ўйинда майдонга тушиб, 1 та голли узатмани амалга оширди.
