Рафинья жароҳати сабаб «Альбасете»га қарши баҳсни ўтказиб юборади
«Барселона» клуби матбуот хизмати жамоа ҳужумчиси Рафинья жароҳат олганини расман эълон қилди. Бразилиялик футболчи Испания Кубогининг 1/4 финали доирасидаги «Альбасете»га қарши учрашувда майдонга туша олмайди.
Тиббий текширувлар натижасида футболчининг ўнг сон яқинлаштирувчи мушаги (аддуктор) чўзилгани аниқланган.
Клуб шифокорлари Рафиньянг жароҳати жиддий тус олмаслиги учун эҳтиёт чораси сифатида уни бўлажак ўйин қайдномасига киритмасликка қарор қилишди. Футболчининг тикланиш жараёни тахминан бир ҳафта давом этиши кутилмоқда.
Ушбу мавсумда Рафинья «кўк-анорранглилар» сафида ажойиб сермаҳсуллик намоён этмоқда. У барча турнирларда 22 та ўйинда иштирок этиб, 13 та гол урди ва 4 та голли узатмани амалга оширди.
Эслатиб ўтамиз, «Барселона» Испания Кубогининг амалдаги ғолиби ҳисобланади. Ўтган йилги финалда каталонияликлар принципиал рақиб — «Реал Мадрид»ни қўшимча бўлимларда 3:2 ҳисобида мағлуб этиб, бош совринни қўлга киритган эди.
