Рафинья: «Охирги ўйиндан кейин чарчаганим рост, бу табиий ҳол, чунки у жуда оғир баҳс эди»
«Барселона» ҳужумчиси «Ньюкасл»га қарши ўйин олдидан ўз ҳолати ҳақида гапирди.
ФОТО: Getty Images
«Барселона» вингери Рафинья Чемпионлар Лигаси доирасидаги «Ньюкасл»га қарши бўлажак учрашув олдидан жисмоний ҳолати борасида фикрларини билдирди.
Фабрицио Романонинг хабар беришича, бразилиялик футболчи ўзини яхши ҳис қилмоқда:
«Мен баъзи жамоадошларим каби чарчаб қолганим йўқ. Кичик жароҳатим сабабли тикланиш жараёнида бўлганим учун дам олишга вақтим етарли эди. Охирги ўйиндан кейин чарчаганим рост, бу табиий ҳол, чунки у жуда оғир баҳс эди».
Эслатиб ўтамиз, «Барселона»нинг «Атлетик Бильбао»га қарши ўйинида (1:0) Рафинья захирадан майдонга тушиб, 62-дақиқада Маркус Рэшфордни алмаштирганди.
«Барселона» ва «Ньюкасл» ўртасидаги Чемпионлар Лигаси учрашуви 10 март куни Тошкент вақти билан 01:00 да старт олади.
