Rafinya: «Oxirgi o‘yindan keyin charchaganim rost, bu tabiiy hol, chunki u juda ogʻir bahs edi»
«Barselona» vingeri Rafinya Chempionlar Ligasi doirasidagi «Nyukasl»ga qarshi bo‘lajak uchrashuv oldidan jismoniy holati borasida fikrlarini bildirdi.
Fabritsio Romanoning xabar berishicha, braziliyalik futbolchi o‘zini yaxshi his qilmoqda:
«Men ba’zi jamoadoshlarim kabi charchab qolganim yo‘q. Kichik jarohatim sababli tiklanish jarayonida bo‘lganim uchun dam olishga vaqtim yetarli edi. Oxirgi o‘yindan keyin charchaganim rost, bu tabiiy hol, chunki u juda og‘ir bahs edi».
Eslatib o‘tamiz, «Barselona»ning «Atletik Bilbao»ga qarshi o‘yinida (1:0) Rafinya zaxiradan maydonga tushib, 62-daqiqada Markus Rashfordni almashtirgandi.
«Barselona» va «Nyukasl» o‘rtasidagi Chempionlar Ligasi uchrashuvi 10 mart kuni Toshkent vaqti bilan 01:00 da start oladi.
