Рафинья Норвегияга қарши ўйинни ўтказиб юборади – Globo
Шу сабабли мутахассислар унинг майдонга қайтишига шошилмасликка қарор қилишган.
ФОТО: Getty images
Бразилия терма жамоаси вингери Рафинья 2026 йилги Жаҳон чемпионати 1/8 финалида Норвегияга қарши баҳсда иштирок эта олмайди. Бу ҳақда Globo нашри хабар берди.
Манбага кўра, футболчи Гаитига қарши учрашувда олган мушак жароҳатидан ҳали тўлиқ тикланмаган. Рафинья ҳозирча терма жамоанинг умумий машғулотларига қайтмаган.
Бразилия терма жамоаси тиббий штаби футболчининг соғлиғини хавф остига қўйишни истамаяпти. Шу сабабли мутахассислар унинг майдонга қайтишига шошилмасликка қарор қилишган.
Эслатиб ўтамиз, Бразилия 1/16 финалда Японияни 2:1 ҳисобида мағлуб этиб, Жаҳон чемпионатининг 1/8 финалига йўл олган эди. Энди «селесао» чорак финал йўлланмаси учун Норвегия терма жамоасига қарши баҳс олиб боради.
Розикжон Султонмуродов
Журналист