Рафинья «Барселона»даги келажаги борасида иккиланмоқда
«Барселона» ҳужумчиси Рафинья клуб раҳбариятига ўзининг жамоадаги келажаги борасида ўйга толганини маълум қилди. Sport.es нашрининг хабар беришича, 29 ёшли футболчининг бундай қарорга келишига жорий мавсумдаги бир қатор салбий омиллар сабаб бўлган.
Футболчининг кайфиятига ва ўзига бўлган ишончига, биринчи навбатда, жорий мавсумдаги кетма-кет жароҳатлар жиддий таъсир кўрсатди. Рафинья жароҳатлари туфайли клуб ва терма жамоа миқёсидаги жами 23 та учрашувни ўтказиб юбормасликка мажбур бўлди. Бу эса унга ўтган мавсумдаги каби юқори даражадаги ўйинни намойиш этишга имкон бермади.
Бундан ташқари, бразилиялик футболчи Европа Чемпионлар Лигасининг чорак финалида «Барселона»нинг Мадриднинг «Атлетико» клубидан учралган мағлубиятини ва мусобақадан чиқиб кетганини жуда оғир қабул қилди. У ушбу ҳал қилувчи баҳсларда жамоасига ёрдам бера олмагани учун ўзини руҳий тушкунликда ҳис қилмоқда.
Клуб раҳбарияти Рафиньянг самимийлигини муносиб баҳолади. Бош мураббий Ҳанс-Дитер Флик ва спорт директори Деку унга ишонишда давом этмоқда. Шу сабабли, клуб футболчига ўз келажаги бўйича бир қарорга келиш учун қанча вақт керак бўлса, шунча муҳлат беришга тайёр эканини билдирди. «Блауграна» мутасаддилари Рафинья барибир жамоада қолишига ишонч билдиришмоқда.
Маълумот учун, Рафиньянг «Барселона» билан амалдаги шартномаси 2028 йилнинг ёзига қадар мўлжалланган.
