Рафинья: «Агар мен ўнг қанотда ўйнасам, ҳеч нарса кутманг. Чунки мен Ямал эмасман»
«Барселона» ҳужумчиси Рафинья Испания Ла Лигасининг 35-тури доирасида Мадриднинг «Реал» жамоасига қарши бўлиб ўтадиган учрашув олдидан ўз фикрлари билан ўртоқлашди.
«Бизда Ла Лигада математика жиҳатидан ғолиб чиқиш имконияти бор, шунинг учун бизга ҳеч ким ҳеч нарсани совға қилмайди. Агар ғалаба қозонсак — яна чемпионликни нишонлаймиз.
Агар мен ўнг қанотда ўйнасам, фавқулодда нарса кутманг, чунки мен Ламин Ямал эмасман», — дея Рафиньянинг сўзларини келтирмоқда Mundo Deportivo нашри.
Испания чемпионатининг 34 та ўйинидан сўнг, «Барселона» 88 очко жамғарган ҳолда турнир жадвалида пешқадамлик қилмоқда. Мадриднинг «Реал» жамоаси эса 77 очко билан иккинчи поғонадан жой олган.
Эслатиб ўтамиз, чемпионатнинг ўтган турида Ханс-Дитер Флик шогирдлари «Осасуна»ни 2:1 ҳисобида мағлуб этган бўлса, Алваро Арбелоа бошқарувидаги мадридликлар «Эспаньол»дан устун келишган эди (2:0).
